Легіянер з Марока: Я ўпершыню бачу -30°С зімой, я надзяваў два камплекты тэрмабялізны
Паўабаронца футбольнага клуба «Маладзечна» з першай лігі Ясін Бара падзяліўся ўражаннямі ад надвор’я ў міжсезонне, паведамляе «Беларускі футбол».
— Цяперашняе міжсезонне — адное з самых халодных за апошнія гады. Нават мы самі не чакалі такога надвор’я. Як вы перажываеце беларускую зіму?
— Для мяне гэта ўвогуле нейкі шок. Я ўпершыню бачу -30°С зімой — нават не ведаў, што такое бывае.
Для мяне гэта вельмі цяжка. Хапае хвіліны, каб дайсці пешшу куды-небудзь, і ўсё твар і пальцы замярзаюць. Добра, што ў нас у «Маладзечне» добрыя ўмовы, мы трэніруемся на закрытым манежы. Гэта вельмі вялікі плюс.
Першую таварыскую гульню было вельмі цяжка пачынаць. Усё замярзае ў мяне — твар, пальцы, вочы таксама замярзаюць. Зразумела, што трэба звыкаць, але для мяне гэта асабліва няпроста.
Я надзяваю два камплекты тэрмабялізны, шапку — усё, што ёсць, каб сагравацца. Некаторыя партнёры жартуюць, але па-добраму. Кажуць: «Ну што ты думаў? Гэта ж Беларусь!». Цяпер я гэта добра разумею (смяецца), — сказаў Бара.
Ясін Бара ў Беларусі гуляе ўжо некалькі гадоў. Выступаў за «Мёры», дзе часам зімой фіксуюцца блізкія да мінімуму тэмпературы ў Беларусі, «МЛ Віцебск», «Астравец». Перайшоў у «Маладзечна» ўзімку. Але гэта зіма самая халодная з 2016 года.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі22
Каментары