Як паведамляе ГУУС Мінгарвыканкама, 60‑гадовай пенсіянерцы патэлефанавалі лжэміліцыянеры і заявілі, што на яе банкаўскі рахунак залічана $13 тысяч. Каб не мець непрыемнасцяў праз гэтыя грошы, ёй параілі нікому не казаць пра тое, што здарылася, і выконваць інструкцыі.
Неўзабаве жанчыне паступіў яшчэ адзін званок ад невядомых, якія ўдакладнілі, ці ёсць у яе ашчаджэнні. Атрымаўшы адмоўны адказ, суразмоўцы запатрабавалі аказаць паслугу: з’ездзіць па пазначаным адрасе і забраць грошы ў іншай пенсіянеркі, якая раней працавала ў праваахоўных органах.
Забраўшы па кодавым слове «зіма» 1000 рублёў, мінчанка па інструкцыі куратараў наведала некалькі гандлёвых цэнтраў, дзе аформіла 21 сім-карту. І толькі тады ўсвядоміла, што стала ахвярай ашуканцаў. Узяўшы ўсе сім-карты і грошы, якія засталіся, яна звярнулася ў міліцыю.
Там устанавілі, што грошы жанчыне перадала пенсіянерка, якая таксама трапіла на вуду ашуканцаў.
Па гэтым факце праводзіцца праверка. Грошы канфіскаваныя і будуць вернутыя ўладальніцы.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары