«Белы легіён» заявіў, што цяпер не мае дачынення да дзейнасці Сяргея Бульбы
Нагодай для таго, што арганізацыя фактычна адхрысцілася ад цяперашняй дзейнасці свайго стваральніка, стаў нядаўні скандал у Варшаве.
На мінулым тыдні ў Варшаве разгарэўся скандал вакол Беларускага моладзевага хаба. Ранейшая каманда (на чале з Аляксандрам Лапко), якая займалася арганізацыяй мерапрыемстваў для беларусаў у Польшчы, 2 жніўня апынулася фактычна на вуліцы. Новым кіраўніком арганізацыі ў выніку папяровых кульбітаў стаў 56-гадовы Сяргей Бульба. Ад таго часу дзейнасць хаба на паўзе.
З гэтай прычыны свой зварот падрыхтаваў «Белы Легіён», стваральнікам якога быў Бульба.
Арганізацыя падкрэслівае, што ў свой час стваралася дзеля патрыятычнага выхавання і вайсковай падрыхтоўкі беларускай моладзі.
«Апошнія гады дзейнасць нашай арганізацыі перастала насіць публічны характар, асабліва пасля палітычна матываванай, сфабрыкаванай рэжымам «Справы патрыётаў» у 2017 годзе, калі з-за адной толькі прыналежнасці да «Белага Легіёну» людзей кідалі за краты і прыдумлялі абвінавачванні. Аднак сябры «Белага Легіёна» працягвалі і працягваюць годна рабіць усё магчымае, каб наблізіць увасабленне нашай агульнай мары — вольнай, незалежнай, прававой, беларускай дзяржавы Беларусь: не складаюць рук у самой краіне, а таксама, ахвяруючы сабой, бароняць свабоду і незалежнасць Украіны.
Маральным аўтарытэтам, лідарам і фактычным кіраўніком «Белага Легіёна» апошнія гады быў Міраслаў Лазоўскі, які гераічна загінуў у Бахмуце (Украіна), змагаючыся з расейскай імперскай агрэсіяй у складзе батальёна «Волат» Палка Каліноўскага», — пішацца ў звароце.
«Белы Легіён» падкрэслівае, што не быў удзельнікам аніякіх працэсаў расколу і лічыць партнёрам кожнага, хто падзяляе іх погляды і прынцыпы.
«На жаль, напрацаваны гадамі станоўчы імідж «Белага Легіёна» апошнім часам незаслужана цярпіць ад дзейнасці яго асобных сяброў, таму Галоўны штаб «Белага Легіёна» лічыць важным патлумачыць шырокай грамадскасці наступнае.
Мы цэнім і паважаем усё, што было зроблена за папярэднія часы Сяргеем Бульбам як ініцыятарам і заснавальнікам «Белага Легіёна». Шмат гадоў ён годна сваёй дзейнасцю і асабістым прыкладам дэманстраваў найлепшыя якасці шчырага патрыёта, які сваё жыццё аддаваў вайскова-патрыятычнаму выхаванню і змаганню за незалежнасць Беларусі.
Апошнім часам Сяргей Бульба заняўся актыўнай публічнай дзейнасцю, утварыў і ачоліў некалькі арганізацый. Больш за тое, ён, не прыслухоўваючыся да меркавання пабрацімаў, стаў актыўным удзельнікам працэсаў вакол Беларускага моладзевага хаба ў Варшаве, што прывяло да знішчэння гэтага папулярнага беларускага асяродку і стратаў для іміджу беларускай супольнасці ў Польшчы агулам.
Мы не маем ніякага дачынення да цяперашняй дзейнасці Сяргея Бульбы як вайсковага эксперта і грамадскага актывіста, да створаных або ачоленых ім арганізацый. Гэтая дзейнасць ніякім чынам не звязаная з уласна «Белым Легіёнам», не адлюстроўвае ні нашых поглядаў, ані прынцыпаў нашай структуры», — гаворыцца ў звароце.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Спадар Чыслаў aka Бульба жыў ва Ўкраіне з 2013 года, але ня можа нічога прад'явіць аб сваёй дзейнасці ні да 2020, ні да 24.02.2022, ні пасля. Нічога не вядома аб ягоным узделе ў дзейнасці беларускіх дабраахвотнікаў альбо ў мерапрыемствах па падрыхтоўцы беларускага супраціву ў замежжы. У адрозненні ад спадара Лазоўскага, R.I.P.
Але ён шмат распавядае у разнастайных медыях нібыта інсайды па беларускаму пытанню ледзь не непасрэдна з кіруючых колаў Украіны. То бок пераважна дэматывуючыя інсайды (а значыць і знаемствы, і пэўны ўплыў) - ёсць, але нават мінімальнай практычнай аддачы ад гэтага няма. Дарэчы, гэтыя інсайды, як і ягоная "геапалітычная аналітыка" маюць моцны канспіралягічны пах. Чаго толькі каштавала заява пра турэцкі пашпарт Мікалая Лукашэнкі. Карацей кажучы, прафесар Салавей-2, якому амаль ўсе ўладныя колы расеі справаздачацца, але адзінай грамадска-палітычнай актыўнасццю ягока дэкляруецца фантомны рух "Перемен".
Скандальная гісторыя з канфліктам у датычэнні да памяшкання БМХ, у выніку чаго дагэтуль актыўная дзейнасць БМХ спынілась - па сутнасці ставіць кропку на рэштках даверу да спадара Бульбы.