«Я рады за Аркадзя, лепш позна, чым ніколі». Цінькоў пракаментаваў заяву Аркадзя Волажа, які асудзіў вайну ва Украіне
Бізнэсовец Алег Цінькоў пракаментаваў «Дождю» заяву сузаснавальніка «Яндэкса» Аркадзя Волажа, які ўпершыню пасля паўтара года маўчання выказаўся пра вайну і заявіў, што ён «катэгарычна супраць варварскага ўварвання Расіі ва Украіну».
«Я рады за Аркадзя, лепш позна, чым ніколі. Зычу яму поспеху», — сказаў Цінькоў.
У канцы ліпеня Вялікабрытанія зняла санкцыі з Цінькова, уведзеныя яшчэ на пачатку вайны. Пасля гэтага Цінькоў распавядаў, што ў размовах з ім многія расійскія бізнэсоўцы выказваліся супраць вайны, аднак публічна так і не выступілі.
У ліку сваіх суразмоўцаў Цінькоў назваў заснавальніка «ЕўраХіма» Андрэя Мельнічэнку і краснадарскага прадпрымальніка Сяргея Галіцкага, заклікаючы іх і астатніх расійскіх бізнэсоўцаў выказвацца супраць вайны, каб дамагчыся зняцця санкцый.
Па правую руку ад Лукашэнкі — Коля, па левую — Насця Казырыцкая. Нагадваем, хто яна такая21
Каментары