11 жніўня Віталю Тысеву са Стоўбцаў у нямецкай клініцы «Шарытэ» зрабілі складаную аперацыю на пазваночніку, вялікія грошы на якую збіралі беларусы ўсёй супольнасцю. Цяпер «Радыё Свабода» апублікавала відэа, на якім Віталь ужо спрабуе хадзіць.
Падчас зняволення ў 2020 годзе ў жыхара Стоўбцаў Віталя Тысева абвастрылася хранічнае захворванне. Пасля ўцёкаў з Беларусі лекары дыягнаставалі ў Тысева сур’ёзную праблему.
Віталю сабралі грошы на лячэнне — амаль 20 тысяч еўра. Аднак польская клініка ў апошні момант пабаялася рабіць складаную аперацыю і адмовілася. Таксама Тысеў прайшоў абследаванне ў Літве, але і там атрымаў адмову ў аперацыі.
Берлінская клініка «Шарытэ» пагадзілася прыняць беларуса і зрабіць аперацыю. Цана яе — 55 100 еўра, і на гэтую суму таксама збіраюць ахвяраванні.
Шмат гадоў таму ў Віталя Тысева была траўма пазваночніка, але яна дазваляла яму жыць і працаваць. Складанасці пачаліся ў 2020 годзе, калі арышт у ізалятары справакаваў запаленне.
У Віталя развіўся анкілазіруючы спандыліт (аўтаімунная хвароба злучальнай тканкі), зрасліся ўсе суставы пазваночніка і іншыя суставы. Лекары казалі, што калі ў найбліжэйшыя тыдні не зрабіць аперацыі, то мужчыну можа паралізаваць.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра4
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары