«Вайна не завершыцца да вясны, шлях да перамогі будзе доўгім» — віцэ-прэм'ер-міністр Верашчук
«Настройваемся на марафон, а не на спрынт, на бой з дванаццаці раўндаў, а не з трох», — кажа Ірына Верашчук.
Віцэ-прэм'ер — міністр па пытаннях рэінтэграцыі часова акупаваных тэрыторый Украіны Ірына Верашчук заявіла, што вайна з Расіяй працягнецца доўга і не завершыцца ні да канца гэтага года, ні да наступнай вясны, як некаторыя спадзяюцца. Пра гэта яна напісала ў сваім тэлеграме.
«Колькі яшчэ працягнецца вайна? Мы павінны быць сумленнымі. У гэтай вайне шлях да перамогі будзе доўгім і цяжкім. «2—3 тыдні», «да канца года», «наступнай вясной» — усё гэта няпраўда, — кажа віцэ-прэм'ер-міністр. — Мы павінны настроіцца на працяглую барацьбу. Грамадзяне і ўлада — усе павінны настроіцца на працяглую і цяжкую вайну. І толькі тады мы пераможам».
Верашчук лічыць, што кожны павінен працаваць на перамогу на сваім месцы.
Яна прапануе такі падыход:
- Настройваемся на марафон, а не на спрынт, на бой з дванаццаці раўндаў, а не з трох.
- Бяромся толькі за рэалістычныя рэчы, не трацім рэсурсаў і часу на тое, што «не ўзлятае».
- Трымаем фокус на галоўных рэчах, ігнаруем астатнія. Мы павінны прывыкнуць жорстка трымаць прыярытэты і не распыляцца.
- Карупцыя — дзяржздрада. Калі дзейнічаць не жорстка, то не спрацуе.
- Палітыканства і гарлапанства — мараторый. Звады — пасля вайны.
«Не думаем пра потым. Робім максімум тут і цяпер. Спакойна. Дзень пры дні. І падтрымліваем адно аднаго. Гэта таксама важна. Менавіта таму мы выстаялі летась. Таму ўрэшце мы пераможам», — рэзюмуе Ірына Верашчук.
Каментары