Палітзняволеных мужа і жонку асудзілі да «хатняй хіміі» за марш 2020 года
Палітзняволеных Сяргея і Алену Чабатар асудзілі да двух з паловай гадоў абмежавання волі без накіравання — «хатняй хіміі». Прысуд 8 жніўня вынесла Таццяна Пірожнікава ў судзе Маскоўскага раёна Мінска, піша «Вясна».
Сяргей шмат гадоў развіваў жаночы футбол у Беларусі, працаваў з трыма старшынямі АБФФ, а з жаночай міні-футбольнай камандай «Сталіца» браў трафеі. Разам з жонкай Аленай яго затрымалі 4 чэрвеня. Паводле некаторай інфармацыі, мужчыну забралі проста з працоўнага месца.
Літаральна адразу ж ім выставілі абвінавачанне па «народным» арт. 342 КК («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»). Вядома, што іх апазналі на чужых відэа з акцый 2020 года.
Каментары