Ва Украіне, на мяжы з Беларуссю, здэтанавалі некалькі мін. Разбурана чыгуначнае палатно
На прымежнай з Беларуссю тэрыторыі ва Украіне ўчора адбыўся выбух — здэтанавалі некалькі супрацьпяхотных мінаў, піша праўладны тэлеграм-канал «Три сестры» са спасылкаю на свае крыніцы.

Меркаванае месца здарэння. Фота: III_SESTRY / Telegram
Па інфармацыі ад падпісчыкаў канала, 28 жніўня каля 03:30 на чыгуначным мосце, размешчаным за 800 метраў ад беларускага пункта пропуску «Славечна» (Ельскі раён Гомельскай вобласці) на тэрыторыі Украіны здэтанавалі некалькі супрацьтанкавых мін ТМ-62М.
Папярэдне прычынай здарэння называецца ўдар маланкі ў адну з мін, паведамляе канал.
Выбухам, паводле канала, пашкоджаная апора моста і разбурана чыгуначнае палатно ў абодва бакі. Інфармацыі аб пацярпелых няма.
Афіцыйнай інфармацыі ад украінскага боку не было.
Каментары
https://nashaniva.com/325208