Ухіліцца ад гэтай ракеты немагчыма, таму што яна мае кіравальнасць на ўсіх участках траекторыі.
Міністэрства абароны ЗША заключыла кантракт з кампаніяй Raytheon Missiles and Defense на закупку для Украіны ракет класа «паветра — паветра» сярэдняй далёкасці (AMRAAM). Сума кантракта складае 192 мільёны даляраў, піша УНІАН.
«Гэты кантракт прадугледжвае закупку Raytheon баявой зброі AMRAAM з розных крыніц. Працы будуць выконвацца ў Тусане, штат Арызона і, як чакаецца, будуць завершаныя да 29 лістапада 2024 года», — гаворыцца ў паведамленні Пентагона.
Як адзначаецца, сродкі на гэты кантракт выдзяляюцца з фонду ініцыятывы садзейнічання бяспецы ва Украіне.
Амерыканскія ракеты AMRAAM — што вядома
AMRAAM — амерыканская авіяцыйная кіраваная ракета з актыўнай радыёлакацыйнай галоўкай саманавядзення. Максімальная далёкасць пуску ракеты складае ад 50 да 180 кіламетраў.
Раней паведамлялася, што ЗША замовілі ракеты AMRAAM розных мадыфікацый колькасцю ад паўтары да трох тысяч штук для 15 краін і частку іх перададуць Украіне.
Як адзначалі эксперты, ухіліцца ад гэтай ракеты немагчыма, таму што яна мае кіравальнасць на ўсіх участках траекторыі. Далёкасць палёту гэтай ракеты можа складаць да 180 кіламетраў.
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі12
Каментары
Дауба то дарадцам год тлумачаць..
Зараз зброю даюць Украіне безкаштоуна
Лендліз гєта за грошы
А даром ці за грошы а зброе болей німа
Як толькі зьявілся Трамп каментавл З гєтым сумна ні будзе АЛЕ калі гєта прєзідзент Штатау то ні смешна