У снежні бесправадны доступ у інтэрнет стаў даступны ў Лельчыцах, паведаміла спецыяліст па рэкламе і PR гомельскага філіяла РУП «Белтэлекам» Алена Еўстаф’ева.
Першы ў Лельчыцкім раёне пункт доступу Wi‑Fi, які дазволіў жыхарам пасёлка гарадскога тыпу атрымаць сучасную бесправадную тэхналогію падключэння да інтэрнета, адкрыты ў мясцовым пункце калектыўнага карыстання «Белтэлекама».
Гэта ўжо 33‑і пункт доступу Wi‑Fi (хот‑спот) у Гомельскай вобласці.
Дагэтуль хот‑споты былі ўстаноўлены ў Гомелі, Мазыры, Жлобіне, Светлагорску, Рэчыцы, Рагачове, Калінкавічах, Добрушы. Усе адрасы хот‑спотаў можна знайсці на сайце www.byfly.by.
У планах гомельскага філіяла РУП «Белтэлекам» — устанавіць у 2010 годзе не менш як 50 пунктаў доступу Wi‑Fi на тэрыторыі ўсёй вобласці, найперш у пунктах калектыўнага карыстання, і максімальна забяспечыць жыхароў рэгіёну бесправадной тэхналогіяй падключэння да інтэрнета.
У межах паслугі «Бесправадны доступ у сетку інтэрнет» «Белтэлекам» арганізуе высакахуткаснае падключэнне да сеткі паводле тэхналогій шырокапалоснага доступу ў частотным дыяпазоне 5,6 ГГц. Доступ ажыццяўляецца на хуткасцях да 7 Мбіт/с. Таму з дапамогай тэхналогіі Wi‑Fi можна карыстацца інтэрнетам гэтак жа, як з дапамогай выдзеленай лініі.
Паслуга даступная ў межах зоны дзеяння сеткі пры наяўнасці канцавога прыстасавання з Wi‑Fi‑модулем (напрыклад ноўтбук) і карткі доступу любога наміналу: на 60, 180 або 600 хвілін.
Гадзіна працы ў інтэрнеце па бесправадным доступе будзе каштаваць карыстальнікам 1.600 рублёў. Да 1 студзеня 2010 года для новых і дзейных абанентаў byfly (фізічных асоб) РУП «Белтэлекам» выдзяляе 200 Мбайт штомесяц бясплатнага трафіку бесправаднога доступу да інтэрнета.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны30
Каментары