U śniežni biespravadny dostup u interniet staŭ dastupny ŭ Lelčycach, paviedamiła śpiecyjalist pa rekłamie i PR homielskaha filijała RUP «Biełtelekam» Alena Jeŭstafjeva.
Pieršy ŭ Lelčyckim rajonie punkt dostupu Wi‑Fi, jaki dazvoliŭ žycharam pasiołka haradskoha typu atrymać sučasnuju biespravadnuju technałohiju padklučeńnia da internieta, adkryty ŭ miascovym punkcie kalektyŭnaha karystańnia «Biełtelekama».
Heta ŭžo 33‑i punkt dostupu Wi‑Fi (chot‑spot) u Homielskaj vobłaści.
Dahetul chot‑spoty byli ŭstanoŭleny ŭ Homieli, Mazyry, Žłobinie, Śvietłahorsku, Rečycy, Rahačovie, Kalinkavičach, Dobrušy. Usie adrasy chot‑spotaŭ možna znajści na sajcie www.byfly.by.
U płanach homielskaha filijała RUP «Biełtelekam» — ustanavić u 2010 hodzie nie mienš jak 50 punktaŭ dostupu Wi‑Fi na terytoryi ŭsioj vobłaści, najpierš u punktach kalektyŭnaha karystańnia, i maksimalna zabiaśpiečyć žycharoŭ rehijonu biespravadnoj technałohijaj padklučeńnia da internieta.
U miežach pasłuhi «Biespravadny dostup u sietku interniet» «Biełtelekam» arhanizuje vysakachutkasnaje padklučeńnie da sietki pavodle technałohij šyrokapałosnaha dostupu ŭ častotnym dyjapazonie 5,6 HHc. Dostup ažyćciaŭlajecca na chutkaściach da 7 Mbit/s. Tamu z dapamohaj technałohii Wi‑Fi možna karystacca internietam hetak ža, jak z dapamohaj vydzielenaj linii.
Pasłuha dastupnaja ŭ miežach zony dziejańnia sietki pry najaŭnaści kancavoha prystasavańnia z Wi‑Fi‑modulem (naprykład noŭtbuk) i kartki dostupu luboha naminału: na 60, 180 abo 600 chvilin.
Hadzina pracy ŭ interniecie pa biespravadnym dostupie budzie kaštavać karystalnikam 1.600 rubloŭ. Da 1 studzienia 2010 hoda dla novych i dziejnych abanientaŭ byfly (fizičnych asob) RUP «Biełtelekam» vydzialaje 200 Mbajt štomiesiac biaspłatnaha trafiku biespravadnoha dostupu da internieta.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»52
Kamientary