Навука і тэхналогіі22

Свіная нырка функцыянавала ў целе пацыента са смерцю мозга больш за месяц

Навукоўцы называюць гэта сапраўднай «апошняй вяхой» на шляху да стварэння неабмежаванай устойлівай крыніцы органаў для трансплантацыі.

Фота: gettyimages

Адвечная праблема аховы здароўя, з якой сутыкаецца чалавецтва — недахоп органаў для тых, хто мае ў іх патрэбу. І нават калі пашанцуе знайсці донара для трансплантацыі, большасць людзей павінны прымаць імунасупрэсіўныя прэпараты, каб прадухіліць адрыньванне, якое парушае здольнасць арганізма абараняцца ад інфекцый і раку.

Адным з рашэнняў абмежаванага запасу органаў з'яўляюцца ксенатрансплантаты — тканкі або органы, перасаджаныя ад іншых відаў, напрыклад, ад свінні або шымпанзэ. Паколькі наша імунная сістэма дакладна распазнае ксенатрансплантат як нечалавечы, гэта не робіць лягчэйшай задачу па выжыванні трансплантаванага органа.

Навукоўцы спрабуюць вырашыць праблему шляхам рэдагавання генаў. Выдаляючы або мадыфікуючы гены пэўных бялкоў, навукоўцы мадыфікуюць органы жывёл — ад сэрцаў да нырак — каб зрабіць іх больш сумяшчальнымі для выкарыстання чалавекам. Так хірургі з Нью-Ёркскага ўніверсітэта Langone Health узялі адну такую ​​генетычна мадыфікаваную нырку ў свінні і перасадзілі яе пацыенту з мёртвым мозгам, сям'я якога пагадзілася на працэдуру. Свіная нырка, якая ўтрымлівала дадатковую тканку з органа пад назвай тымус, здавалася, працавала гэтак жа добра, як і нырка чалавека, і не была адрынута цягам цэлага месяца пасля аперацыі.

Працэдура, праведзеная 14 ліпеня, стала пятай ксенатрансплантацыяй, праведзенай у Нью-Йоркскім універсітэце Langone за апошнія некалькі гадоў, распавядае Inverse. У адной з папярэдніх аперацый генетычна мадыфікаванае сэрца свінні было перасаджана жывому чалавеку, які памёр праз два месяцы. Прычынай смерці стала, аднак, не адрыньванне органа, а меркавана свіны вірус у ксенатрансплантаце.

Як і ў папярэдніх спробах, для апошняй трансплантацыі нырка была атрымана ад свінні, продкі якой былі генетычна зменены так, каб не мець альфа-гал — малекулы цукру, якую людзі страцілі падчас эвалюцыі, але якая засталася ў большасці млекакормячых, такіх як свінні, каровы ці алені. У людзей высокі ўзровень антыцелаў супраць альфа-гал, што выклікае звышвострае адрыньванне; таму выдаленне гена прадухіляе гэтую непажаданую рэакцыю.

Дадаткова перасадка тымуса (ці вілачкавай залозы) ад свінні дазваляе новым клеткам, якія развіваюцца ў арганізме рэцыпіента, распазнаваць антыгены свінні як свае ўласныя. Гэта патэнцыйна можа прывесці да зніжэння імуннага адказу і зніжэння рызыкі адрыньвання ксенатрансплантата.

Вынікі атрымаліся абнадзейваючымі. З дапамогай гэтай пятай ксенатрансплантацыі хірургі спадзяваліся адказаць на два пытанні, на якія не было адказу ў папярэдніх спробах: ці пратрымаецца свіная нырка дастаткова доўга без адрыньвання (пры папярэдніх спробах ацэнка праводзілася на працягу толькі 54-72 гадзін пасля трансплантацыі) і ці можа свіная нырка выконваць тыя ж функцыі, што і чалавечая.

Нырка была перасаджана 57-гадоваму мужчыну з дыягназам гліябластома, у якога была пацверджана смерць мозга. Яго сям'я вырашыла ахвяраваць яго цела, бо яго органы не падлягалі донарству з-за раку. Абедзве ныркі нябожчыка былі выдаленыя і замененыя адной генетычна мадыфікаванай свіной ныркай, якая была праверана на любыя патэнцыйныя ўзбуджальнікі, такія як, напрыклад, свіны цытамегалавірус. 

Новая нырка пасля аперацыі адразу пачала выпрацоўваць мачу. А падчас 32-дзённага назірання, у той час як памерлы знаходзіўся на сістэме жыццезабеспячэння, не было прыкмет адрыньвання органа, і свіная нырка працягвала працаваць даволі добра, адзначалі навукоўцы.

Зараз даследаванне пакуль працягваецца, паколькі даследчыкі плануюць назіраць за ныркай яшчэ на працягу наступных двух месяцаў. Асабліва іх цікавіць, ці сапраўды ўключэнне кавалачка тымуса дапамагае мінімізаваць імунны адказ. Калі гэта так, гэта можа прывесці да падобных стратэгій для іншых органаў, такіх як печань і лёгкія, якія, як вядома, з'яўляюцца больш складанымі з імуналагічнага пункту гледжання, чым ныркі.

Навукоўцы кажуць, што на дадзены момант ёсць пераканаўчыя доказы, якія павінны дадаць упэўненасці перад пачатковай фазай клінічных выпрабаванняў на жывых людзях. Але поспех у памерлых рэцыпіентаў не азначае, што клінічныя выпрабаванні на людзях адбудуцца ў бліжэйшы час. Навукоўцы спадзяваюцца, што далейшыя даследаванні большай колькасці памерлых рэцыпіентаў і поспех з больш працяглымі перыядамі назірання створаць аснову для правядзення даследаванняў сярод тысяч людзей, якія чакаюць органаў проста зараз.

Каментары2

  • Mafkees
    04.09.2023
    С такой технологией можно из бондаревой сделать настоящего свино-киборга и тогда она защитит союзное государство от англо-саксов. А если модифицировать азаренка,то его можно отправить на бамбас сражаться с Леопардами и Хаймарсами.
  • умка изучае биатэхнааналогии
    04.09.2023
    **ля, ты чуу ?

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць