Актывіст «Беларускай Хрысціянскай Дэмакратыі» Алесь Галавань, адзін з лідэраў моладзевай дэмакратычнай кааліцыі Віцебшчыны, пасля ўдзелу ў семінары «Маладых хрысціянскіх дэмакратаў» у Рызе перад ад’ездам пакінуў у гатэлі пашпарт і запіску, у якой паведаміў што прыняў рашэнне не вяртацца ў Беларусь.
Пра гэта паведаміла прэс‑служба БХД.
Алесь Галавань быў актывістам «Маладога Фронту» з 2000 года, а потым — БХД, неаднаразова падвяргаўся пераследу і рэпрэсіям паводле палітычных матываў.
27 верасня падчас візыту ў Віцебск патрыярха Кірыла, Галавань быў затрыманы за распаўсюд бюлетэняў «Прамень» і «Крыніца», а таксама іншых інфармацыйных матэрыялаў БХД. 30 верасня Алесь Галавань быў жорстка збіты.
Зараз сувязі з Алесем Галаванем няма. У беларускай амбасадзе ў Рызе заявілі, што нічога пра гэты выпадак не ведаюць.
Сябры Алеся лічаць, што ён мог прыняць рашэнне аб невяртанні пад уплывам апошніх падзеяў у Беларусі:
смерці актывіста БНФ Валянціна Доўнара і выкраданняў моладзі.
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны16
Каментары