У галерэі «Ў» на выходных адбудзецца першы фестываль актуальнага ўкраінскага мастацтва «Пералаз». Творы паэта Сашка Ірванца, мультыплікатара Сцяпана Коваля, дакументаліста Фелікса Собалева
12-13 снежня ў мінскай галерэі сучаснага мастацтва «Ў» будзе праходзіць першы фестываль актуальнага ўкраінскага мастацтва ў Беларусі «Пералаз».
«Пералаз» — гэта своеасаблівы адказам фестывалю «Беларуская вясна», які тры гады запар прадстаўляў беларускую неафіцыйную культуру ва Ўкраіне. Такім чынам арганізатары вырашылі выраўнаваць нематэрыяльна-неграшовы баланс культурнага абмену паміж нашымі дзяржавамі, ўзмацніўшы напрамак Кіеў-Мінск.
У рамкаж фэсту Мінск прыедзе адзін з вядучых украінскіх літаратараў Сашко Ірванец, каб разам з Уладзімірам Арловым (які дарэчы пераклаў на беларускую ірванцоўскі раман «Роўна/Ровно») сустрэцца з мінскімі чытачамі.
Паэты-слэмеры Дмытро Лазуткін, Арцём Паляжака, Паўло Карабчук у складзе ўкраінскай паэтычнай зборнай дадуць бой магутнай беларускай камандзе (Віталь Рыжкоў, Віктар Жыбуль, Вера Бурлак); Слэм-арбітрам на «Зорных войнах. Эпізод 3» будзе Андрэй Хадановіч.
Але досыць літаратуры! Анімація.UA — на фэсце пакажуць падборку ўкраінскай анімацыйнай школы Яўгена Сываконя, сярод вучняў якога Сцяпан Коваль, чый пластылінавы мульфільм «Ішоў трамвай №9» здабыў «Срэбранага мядзьведзя» на Берлінале ў 2003 годзе. А яшчэ кінадакументалістыкі Фелікса Собалева і ягоных вучняў: Олександра Раднянскага і Сергія Волкава.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе9
Каментары