Еўрасаюз забараніў расіянам уязджаць у ЕС з асабістымі смартфонамі і аўтамабілямі
Уезд у краіны Еўрасаюза на зарэгістраваных у Расіі аўтамабілях забаронены, піша РБК са спасылкаю на Еўракамісію. Пад рызыкай знаходзяцца і такія асабістыя рэчы расейцаў, якія перасякаюць мяжу, як смартфоны, каштоўнасці і ноўтбукі.
«Усё адно, ці выкарыстоўваецца транспартны сродак у прыватных або камерцыйных мэтах, калі ён падпадае пад мытныя коды, пералічаныя ў дадатку XXI (у тым ліку код 8703), і адбываецца або вывозіцца з Расіі», — гаворыцца ў новых тлумачэннях Еўракамісіі. Мытны код 8703 ахоплівае легкавыя аўтамабілі і іншыя транспартныя сродкі, прызначаныя для перавозкі менш як дзесяці чалавек.
Мінулым летам некаторыя расейцы, якія прыязджалі ў Нямеччыну на сваіх аўтамабілях, сутыкнуліся з арыштамі машын на мытні. У пачатку ліпеня мытня ФРГ пацвердзіла, што ўвоз пасажырскіх аўтамабіляў з Расіі забаронены ў адпаведнасці з эмбарга ў дачыненні да Расіі, і што пад гэта падпадае любое перамяшчэнне тавараў, нават у асабістых, некамерцыйных мэтах.
Не мае значэння тэрмін, на які ўвозіцца аўтамабіль з расійскімі нумарамі і мытная працэдура, якая выкарыстоўваецца для гэтага (напрыклад, выпуск у свабоднае абарачэнне або часовы ўвоз), падкрэслівае Еўракамісія.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары