Дрон «Марское малое» падбіў у Чорным моры расійскі ракетны карабель «Самум» — Украінская праўда
Украінскі марскі дрон 14 верасня падбіў расійскі ракетны карабель «Самум», паведамілі «Украінскай праўдзе» суразмоўцы ў Службе бяспекі Украіны.
Фота: Комсомольская правда
Паводле інфармацыі крыніц, марскі дрон СБУ «Марское малое» трапіў па ракетным караблі «Самум» недалёка ад уваходу ў Севастопальскую бухту. Ён трапіў у заднюю правую частку судна, нанёсшы яму значныя пашкоджанні, з-за чаго карабель страціў ход.
Крыніцы сцвярджаюць, што расіянам давялося адбуксіраваць «Самум» на рамонт «з вялікім дыферэнтам на карму і нахілам на правы борт».
Для гэтай атакі СБУ выкарыстала эксперыментальны ўзор марскога дрона, які здольны працаваць у шторм, хаваючыся ад выяўлення за высокімі хвалямі. Падчас спецаперацыі вышыня хваляў дасягала 1,5-2 м.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне28
Каментары
А калі сур'ёзна, то дроны, здольныя працаваць ў моцны шторм - гэта новае слова ў супрацькарабельнай барацьбе. Па сутнасці, ЧФ застаецца альбо зачыніць сабе ў Севастопальскай бухце, альбо цалкам сыйсці ў Наварасійск, пачатак атак на які - пытанне толькі часу.