Словы прэм'ера Польшчы пра ўзбраенне былі інтэрпрэтаваныя «найгоршым чынам» — Дуда
Прэзідэнт Польшчы Анджэй Дуда заявіў, што нядаўнія словы прэм'ер-міністра Матэвуша Маравецкага былі «інтэрпрэтаваныя найгоршым чынам». Напярэдадні кіраўнік польскага ўрада сказаў, што краіна больш не будзе перадаваць зброю Украіне, бо сама актыўна ўзбройваецца.
Паводле Дуды, заява Маравецкага тычылася толькі новага ўзбраення, якое цяпер закупляецца для польскага войска з мэтай ягонай мадэрнізацыі. І ён сам думае гэтак жа сама:
«Мы абодва прытрымліваемся аднолькавай пазіцыі. Мы не можам перадаць наша новае ўзбраенне, якое мы цяпер закупляем на мільярды даляраў для польскага войска, каб умацаваць яго, умацаваць бяспеку Польшчы, камусьці іншаму. Нікому», — заявіў польскі прэзідэнт.
Такая пазіцыя тычыцца «перадачы новага ўзбраення, якое мы цяпер атрымліваем з Паўднёвай Карэі ці ЗША, напрыклад, новых «Абрамсаў», камплектаў Patriot або HIMARS», падкрэсліў Дуда.
Але тыя абавязкі, адносна якіх з Украінай падпісаныя кантракты, Польшча мае намер выканаць.
«Па меры атрымання новага ўзбраення з Карэі, з ЗША мы таксама будзем памяншаць запасы таго ўзбраення, якое сёння знаходзіцца на складах», — сказаў Дуда.
Паводле Дуды, тэхніка, якая выводзіцца са складу польскага войска, акурат і будзе перадавацца Украіне, як «гэта рабілі дагэтуль, перадаючы постсавецкія ўзбраенні».
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта10
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары