BYSOL распавядае гісторыю былога палітвязня Дзяніса, які жартуе, што, «як паказвае практыка, былых палітвязняў не бывае». Ён быў эвакуяваны з Беларусі і цяпер яму з сям'ёй неабходная дапамога.
«Пачынаючы з лета 2020 года мы з жонкай Настай актыўна ўдзельнічалі ў акцыях за Вольную Беларусь (мітынгі, ланцужкі салідарнасці, маршы). А 29 лістапада 2020 года мяне затрымалі на маршы раёнаў і асудзілі па адміністрацыйным артыкуле на 15 сутак.
У чэрвені 2022 года да нас у кватэру ўварваўся ГУБАЗіК з групай САХР і пасля правядзення ператрусу нас з жонкай арыштавалі і адвезлі ў ІЧУ Акрэсціна. Канфіскавалі ўсе грашовыя сродкі, а на рахункі і маёмасць наклалі арышт. Мяне асудзілі па «народным» арт. 342 КК на паўтара гады. Маёй жонцы было прад'яўлена абвінавачанне па трох артыкулах — яна была экстрана эвакуаваная з Беларусі.
Цяпер я са сваёй сям'ёй у бяспецы. Я страціў свой бізнэс і актыўна шукаю працу, аднак фінансава мы не стабільныя. Большая частка нашай маёмасці і грашовых сродкаў так і засталася пад арыштам. Таму прашу вас аб фінансавай дапамозе для мяне і маёй сям'і».
Для аплаты для сям'і арэнднага жылля на 3 месяцы неабходна € 2000, на ўтрыманне і забеспячэнне дзіцяці (гурткі і абеды ў школе, адзенне, харчаванне) — € 700, яшчэ € 800 сям'я плануе патраціць на рэабілітацыю, вывучэнне польскай мовы і медыцынскае абследаванне.
Дапамагчы сям'і Дзяніса можна на старонцы BYSOL.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты51
Каментары