У Мінску знік прарасійскі прапагандыст і палітолаг з Украіны. Меркавана, ён затрыманы
Прарасійскі палітолаг з Харкава Дзмітрый Губін, які ў гэтым годзе збег з Украіны, перабраўся ў Беларусь і нядаўна перастаў выходзіць на сувязь. Пра гэта днямі паведаміў ягоны калега з пракрамлёўскага рэсурсу «Украина.ру».
Адзін з аўтараў прапагандысцкага антыўкраінскага рэсурсу «Украина.ру» Павел Волкаў заявіў, што яго сябар і калега Дзмітрый Губін, такі ж прарасійскі палітолаг з Украіны, нядаўна знік у Мінску. Той адзначыў, што да Губіна былі пытанні з боку РФ і РБ.
«У Мінску знік мой таварыш і журналіст з Харкава Дзмітрый Губін. Ён ідэйны вораг Майдана і радыкальнага нацыяналізму. Аднойчы за гэта да яго ўжо прыходзілі з СБУ, а праварадыкалы пагражалі яго забіць. У выніку Губін быў вымушаны залегчы на дно і шукаць шляхі нелегальнага ад'езду з Украіны. Улетку 2023 года ён здолеў патрапіць у Малдову, затым у Ізраіль, а адтуль ужо ў Беларусь», — распавёў прапагандыст «Украина.ру» Павел Волкаў у сваім тэлеграм-канале.
Паводле яго слоў, Губін прыехаў у Мінск 2 кастрычніка, каб прасіць аб палітычным прытулку, аднак яму адмовілі з прычыны «адначасовай забароны на ўезд у РФ і РБ». Волкаў дадае, што яшчэ да гэтага ў 2021 годзе Губін спрабаваў з Украіны трапіць у акупаваны Расіяй Крым, але яго не пусцілі «з-за забароны ўязджаць у Расію на працягу 20 год».
Волкаў піша, што гэтыя забароны выкліканы сакрэтнай разнарадкай ад Федэральнай службы бяспекі Расіі.
«Прычыны гэтых забарон застаюцца невядомымі, бо ў лісце ад ФСБ гэта называецца дзяржаўнай таямніцай. Пасля няўдачы ў Мінску Губін вырашыў паспрабаваць атрымаць прытулак у Баку, аднак неўзабаве напісаў жонцы, што пакуль застанецца ў Беларусі, бо «пытанне з прытулкам тут яшчэ вырашаецца». Пасля гэтага з 5 кастрычніка Губін перастаў выходзіць на сувязь. Яго пошукам займаюцца расійскія і замежныя праваабаронцы», — напісаў 11 кастрычніка Волкаў, на чыім канале дагэтуль няма інфармацыі аб стане Губіна.
У той жа час некаторыя ўкраінскія журналісты і выданні мяркуюць, што прапагандыст Дзмітрый Губін мог быць затрыманы беларускімі сілавікамі.
Да свайго знікнення Губін актыўна прасоўваў ідэі «рускага свету» і пісаў свае артыкулы ў некаторых прарасійскіх рэсурсах, у тым ліку і «Украина.ру». За сваю дзейнасць ён трапіў у базу даных украінскага сайта «Міратворац» як асоба, «якая пагражае тэрытарыяльнай цэласнасці і суверэнітэту Украіны».
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Русский мир богат на свои палестины, от Беларуси до Обхазии, только в Украине не прижились, ни хамас русского мира, ни фатх русского мира, да и скотный двор украинской власти, не получилось, до конца, построить и забетонировать и поставить на свою службу