Расійскаму блогеру Кацу ўручылі сімвалічны «пашпарт свабоднай дэмакратычнай Беларусі»
У адрозненне ад «пашпарта новай Беларусі», прапанаванага дэмсіламі ў якасці альтэрнатыўнага праязнога дакумента і пасведчання асобы, гэты праект на такі статус не прэтэндуе.
Расійскі апазіцыйны палітык і вядомы ютуб-блогер Максім Кац на творчай сустрэчы ў Берліне 21 верасня атрымаў сімвалічны «пашпарт грамадзяніна свабоднай дэмакратычнай Рэспублікі Беларусь».
«Пашпарт» ёсць праектам актывіста беларускай дыяспары ў Германіі Тараса Сякеркі. «Гэта творчы праект, які я арганізаваў у лістападзе 2020 года, калі распачала працу альтэрнатыўная амбасада свабоднай і дэмакратычнай Рэспублікі Беларусь у Германіі. У Максіма Каца пашпарт пад нумарам 319», — паведаміў ён «Позірку».
Ідэя праекта, паводле слоў Сякеркі, заключаецца ў тым, што «кожны чалавек на Зямлі, незалежна ад веравызнання і колеру скуры, калі ён не падтрымлівае дыктатуру Лукашэнкі», мае права «атрымаць пашпарт і стаць грамадзянінам свабоднай дэмакратычнай Рэспублікі Беларусь».
«Я выдаваў пашпарты бясплатна, калі нехта хацеў зрабіць данат — рабіў гэта. Галоўная ідэя пашпарта — паказаць, што большасць людзей не падтрымліваюць дыктатуру», — патлумачыў актывіст.
Акрамя Каца, гэтыя «пашпарты» маюць беларуская дэмакратычная лідарка Святлана Ціханоўская, суаўтар медыяпраекта Nexta Сцяпан Пуціла, лёгкаатлетка Крысціна Ціманоўская, спявачка Вераніка Круглова, пісьменнік Саша Філіпенка ды інш.
У адрозненне ад «пашпарта новай Беларусі», прапанаванага дэмсіламі ў якасці альтэрнатыўнага праязнога дакумента і пасведчання асобы, гэты праект на такі статус не прэтэндуе.
«Амбасада свабоднай і дэмакратычнай Рэспублікі Беларусь у Германіі» ўяўляе сабой вагончык — інфармацыйны цэнтр у берлінскім Трэптаў-парку, праз дарогу ад будынка афіцыйнай беларускай амбасады.
Ціханоўская дала інтэрв'ю, ад якога ў расійскай апазіцыі палыхнула. Што здарылася?
«У расейцаў ёсць імперыялістычныя амбіцыі». Фрагмент інтэрв'ю Ціханоўскай, якое абмяркоўвае твітар
«Галоўнае, што шмат беларусаў выказалі словы падтрымкі». Ціханоўская пракаментавала рэакцыю на сваё інтэрв'ю «Новой газете»
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»21
Каментары