Байца-беларуса ГУР Мінабароны Украіны з пазыўным «Бахус» пахавалі ў горадзе Каламыя Івана-Франкоўскай вобласці. Ён загінуў 7 кастрычніка пад Бахмутам.
21 кастрычніка беларуса адпявалі ў мясцовай грэка-каталіцкай царкве.
«Беларускі ваяр сваё жыццё і душу аддаў за сяброў украінцаў, за свабоду нашага і свайго народа… Вечна будзе жыць слава пра мужнага Героя двух народаў!», — гаворыцца ў яе паведамленні.
«Бахуса» пахавалі на гарадскіх могілках на Алеі Славы пад бел-чырвона-белым і ўкраінскім сцягамі. У Каламыі быў аб'яўлены дзень жалобы.
Прозвішча добраахвотніка не называецца, няма яго і на крыжы.
Каментары