Да гадавіны гібелі Рамана Бандарэнкі рыхтуюць відэаролік з успамінамі пра хлопца. Вы можаце паўдзельнічаць
12 лістапада споўніцца тры гады з дня смерці Рамана Бандарэнкі, які быў жорстка збіты пры спробе бараніць бел-чырвона-белыя стужкі на Плошчы перамен, а пасля памёр у бальніцы.
Раман Бандарэнка
Да гэтай сумнай даты супольнасць плошчы Перамен хоча змантаваць відэаролік з успамінамі пра Рому. З гэтай нагоды яны звяртаюцца да людзей з наступнымі пытаннямі:
- Як паўплываў яго ўчынак?
- Як адбілася смерць Рамана?
- Што азначае фігура Ромы Бандарэнкі?
Таму ініцыятыва просіць запісаць кароткія відэа і даслаць іх у асабістыя. Затым ролік будзе змантаваны і апублікаваны 12 лістапада.
Патрабаванні да роліка:
- вертыкальнае відэа
- на адлегласці выцягнутай рукі (каб чалавек быў добра бачны)
- дзённы свет ад акна
- на беларускай ці расійскай мове
- калі ў тэлефоне ёсць рэжым HD, скарыстайцеся ім
- адказ на кожнае пытанне не большы за 30 секунд
Можна адказаць на любое пытанне ці на ўсе адразу.
У роліку будзе твар і голас рэспандэнта. Таму калі ёсць засцярога, што гэта небяспечна, калі ласка, лепш не запісваць і не дасылаць відэа.
Дэдлайн збору матэрыялаў — 5 лістапада.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары