Туск і гродзенцы на каленях: расійская прапаганда выкарыстоўвае ФОТА 18-гадовай даўніны, каб абразіць Украіну
Абранне Дональда Туска прэм’ер-міністрам Польшчы запусціла новую хвалю хэйту з боку расійскай прапаганды, якая даўно называе яго русафобам. Цікавы факт: год за годам для дыскрэдытацыі палітыка і стварэння фэйкаў выкарыстоўваецца фота, якое было зроблена ў Беларусі ў 2005 годзе.
Здымак, на якім людзі стаяць на каленях перад Дональдам Тускам, рэгулярна з'яўляецца на расійскіх сайтах і розных пабліках з допісамі, якія, па задумцы прапагандыстаў, павінны абражаць грамадзян Украіны. Сцвярджаецца, нібыта гэта ўкраінцы, якія выпрошваюць дапамогу ў Захаду.
Але ж насамрэч здымку амаль 20 гадоў — і перад Тускам на каленях стаяць жыхары Гродна, а не ўкраінцы. Палітык, які ў той час быў віцэ-спікерам польскага Сейма, прыязджаў у 2005 годзе ў Беларусь для таго, каб падтрымаць актывістаў мясцовага Саюза палякаў (СПБ).
У той год беларускія ўлады адмовіліся прызнаваць абранне на пасаду кіраўніка арганізацыі Анжалікі Борыс і ініцыіравалі стварэнне праўладнай структуры з аднайменнай назвай. У Гродне Туск выступіў на мітынгу СПБ, адразу пасля якога двух актывістаў затрымалі.
Беларускія ўлады былі вельмі незадаволеныя такім учынкам польскага віцэ-прэм'ера і нават абвінавацілі яго ва ўмяшанні ва ўнутраныя справы краіны. Помсціць працягнулі і тым, хто быў у СПБ — прайшла хваля ператрусаў і затрыманняў.
Але Туск не супакоіўся і прадставіў Анжаліку Борыс кіраўнікам еўрапейскіх структур, чым надаў легітымнасці недзяржаўнаму Саюзу палякаў Беларусі.
У 2007 годзе, калі Дональд Туск зноў хацеў прыехаць у Беларусь, яго машыну не прапусцілі праз беларускую мяжу. Тады беларускі КДБ зрабіў заяву, што Туск ведаў аб сваім статусе нон-грата, але наўмысна пайшоў на скандал, каб павысіць папулярнасць сваёй партыі перад выбарамі.
Сёлета амерыканскі часопіс Politico назваў Дональда Туска самым уплывовым чалавекам Еўропы.
Чытайце таксама:
Новы польскі прэм'ер Дональд Туск прадставіў свой будучы ўрад
Ціханоўская павіншавала Туска з абраннем на пасаду прэм'ера Польшчы
Politico назваў самых уплывовых людзей свету. На першым месцы ў Еўропе чалавек, які пакуль не займае ніякай пасады
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары