У Віцебску шматдзетнага бацьку адправілі ў калонію за каментары
Віцебскі раённы суд 6 снежня прызначыў 38-гадоваму бацьку траіх дзяцей Сяргею Зайцаву адзін год і шэсць месяцаў калоніі ва ўмовах агульнага рэжыму і штраф 100 базавых велічыняў (3700 рублёў) за «абразу прадстаўніка ўлады» (арт. 369 КК).
Такі прысуд вынес Міхаіл Зубеня. Па справе адбылося чатыры судовыя пасяджэнні.
Згодна з версіяй абвінавачвання, Зайцаў, знаходзячыся на тэрыторыі Расійскай Федэрацыі, у тэлеграм-канале, які прызнаны «экстрэмісцкім», размясціў для агульнага прагляду тэкст, які змяшчае негатыўную ацэнку прадстаўніка ўлады.
Таксама ён аналагічна «абразіў» іншага прадстаўніка ўлады ў Віцебскім раёне, піша «Вясна».
Каментары