Што вядома пра гомельскую айцішніцу Вольгу Блажэвіч, затрыманую за данаты на $80
Айцішніца Вольга Блажэвіч, найхутчэй, была затрыманая яшчэ ў канцы 2023 года, аднак сілавікі адсправаздачыліся пра яе арышт толькі цяпер.
Вольга скончыла Гомельскі дзяржаўны ўніверсітэт у 2011 годзе, яна адвучылася на праграміста-матэматыка. На яе профілі ў сетцы Linkedin пазначана шэсць IT-кампаній, у якіх яна працавала. З жніўня 2020 дзяўчына кіруе камандай тэсціроўшчыкаў у кампаніі UULA, зарэгістраванай у Кувейце. Праўда, у акаўнце Вольгі Блажэвіч пазначана, што яна працавала ў Індыі.
Найхутчэй, дзяўчыну затрымалі пры вяртанні ў Беларусь, бо яе акаўнт у фэйсбуку (цяпер закрыты) быў зусім непачышчаны. На аватарцы стаяў бел-чырвона-белы сцяг, захоўваліся падпіскі на «Люстэрка» і «Хартыю’97». А ў плацяжах стаялі тры ахвяраванні — на 10, 20 і 50 даляраў.
Па словах сілавікоў, цяпер Вольга Блажэвіч знаходзіцца ў ізалятары часовага ўтрымання і вырашаецца пытанне аб тым, да якой адказнасці яе прыцягнуць.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары