Мужчына з Бразіліі цэлы год капаў яму ў сваім доме, бо яму прысніўся схаваны там клад
Скончылася ўсё трагічна.
71-гадовы пенсіянер быў апантаны ідэяй, што пад ягонай маёмасцю знаходзіцца золата. Ён больш за год вёў раскопкі, каб знайсці скарб, піша Daily Mail.
Мужчына нават наняў людзей, каб тыя дапамагалі капаць, і напачатку плаціў ім каля 14 даляраў у дзень. Чым глыбейшай рабілася яма, тым больш была аплата за працу. У выніку пенсіянер плаціў каля 102 даляраў памочнікам штодня. Хадзілі чуткі, што мужчына нават шукаў дынаміт, каб паскорыць раскопкі.
На жаль, 5 студзеня мужчына ўпаў у яму, якая на той момант была ўжо глыбінёй 40 метраў і мела ўсяго 90 сантыметраў у дыяметры. Ён памёр ад атрыманых траўм.
Супрацоўнікі экстранных службаў, якія прыбылі на месца гібелі, былі шакаваныя тым, што мужчына змог выкапаць настолькі глыбокі калодзеж пры дапамозе «прымітыўных і архаічных інструментаў». Каб дастаць цела, ратавальнікі спускаліся на дно ямы ў масках з кіслароднымі балонамі.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС15
Каментары