Гурт «Саша і Сірожа» на другую гадавіну пачатку вайны запланаваў канцэрты ў Расіі
Афішу з анонсам канцэртаў у Санкт-Пецярбургу і Маскве выставіў у фэйсбуку лідар гурта Аляксей Хацкевіч.
У Санкт-Пецярбургу канцэрт мае адбыцца 23 лютага, а ў Маскве — 24 лютага, акурат у другую гадавіну пачатку поўнамаштабнай вайны Расіі з Украінай.
«Саша і Сірожа» — мастацка-музычны праект з удзелам мастака Аляксея Хацкевіча і розных музыкаў. Раней гэта быў творчы дуэт Хацкевіча і музыкі Сяргея Міхалка. Спачатку дзейнічаў у 1999-2008 гадах, адроджаны Аляксеем Хацкевічам у 2020-м.
Цяпер у складзе гурта выступае Хацкевіч і музыкі расійскіх гуртоў «Ленінград», НОМ, Pep-See.
Каментары