Сталі вядомыя падрабязнасці справы кантрабандыста з Драгічынскага раёна, якога судзілі за «тэрарызм»
У сярэдзіне студзеня з'явілася паведамленне, што сямейную пару Дзмітрыя і Вольгу Капузаў з Драгічынскага раёна асудзілі на 24 і 21 год пазбаўлення волі адпаведна. Таксама пару ўнеслі ў «спіс тэрарыстаў». Дзмітрыя і Вольгу абвінавачвалі ў «тэрарызме» і «незаконных дзеяннях з боепрыпасамі». Былы палітвязень, які знаходзіўся ў зняволенні разам з Дзмітрыем Капузам, расказаў «Берасцейскай вясне» пра тое, што, паводле слоў самога асуджанага, стаяла за ягоным прысудам.
Пра справу Дзмітрыя і Вольгі Капузаў з Драгічынскага раёна доўгі час амаль нічога не было вядома, бо суд праходзіў у закрытым рэжыме.
Са слоў сукамерніка, спачатку Дзмітрыю Капузу інкрымінавалі тэрарызм, але пазней абвінавачанне змянілі на «здраду дзяржаве». Сам Капуза тлумачыў, што займаўся кантрабандай у прыгранічнай вёсцы Сварынь: перавозіў бурштын, цыгарэты і алкаголь. Адно са сховішчаў, верагодна, трапіла ў поле зроку сілавікоў, і, паводле яго слоў, туды была падкінута выбухоўка.
Пры затрыманні ў пачатку 2024 года, калі Капуза пад’язджаў да дома, людзі ў цывільным выскачылі з мікрааўтобуса і без папярэджання двойчы стрэлілі яму ў нагу. Медыцынскую дапамогу ён атрымаў мінімальную, нягледзячы на цяжкія раненні. Пасля яго катавалі: збівалі, у тым ліку ў КДБ, пагражалі, а падчас «следчага эксперыменту» — ужо без абароны адвакаткі — жорстка здзекаваліся. Сам Капуза сцвярджаў, што пра выбухоўку нічога не ведаў і ў сховішчы павінен быў быць толькі бурштын.
Паводле сведкі, разам з Капузамі затрымалі яшчэ дзесяць чалавек, большасць з якіх пазней адпусцілі. Некалькі арыштаваных, у тым ліку сам Дзмітрый, віны не прызналі. Усе яны, са слоў былога палітвязня, падвяргаліся жорсткім збіццям. Пазней, ужо ў СІЗА, Дзмітрый выглядаў моцна знясіленым і значна пастарэлым. Ён казаў, што нават не мог уявіць, што кантрабанду перакваліфікуюць у «шпіянаж», бо для прыгранічных вёсак такі гандаль — спосаб выжывання.
Таксама суразмоўца згадаў пра іншую справу — Дзмітрыя і Аксаны Малочкаў з Баранавічаў. Іх асудзілі на 12 і 8 гадоў пазбаўлення волі за «здраду дзяржаве», хоць фактычна гаворка нібыта ішла пра фатаграфаванне цягніка з вайсковай тэхнікай без якога-небудзь шпіёнскага намеру.
Цягніковаму дыспетчару, арыштаванаму за карупцыю, дадалі абвінавачанне ў «здрадзе дзяржаве»
Вікторыя Кульша, якую судзілі зноў і зноў пяць разоў: Калі на зямлі існуе пекла, то яно ў калоніі ў Зарэччы
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м71
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары
Насколько же там всё сгнило и провоняло, что, ради лады-весты, премии, ведомственной квартиры, повышения, невиновных людей, отправляют на 25 лет в тюрягу.