Віцэ-прэм’ерка Наталля Пяткевіч па выніках пасяджэння Рады Еўразійскай эканамічнай камісіі (ЕЭК) у Маскве паведаміла, што былы старшыня Віцебскага аблвыканкама Аляксандр Субоцін, якога Лукашэнка нядаўна адправіў у адстаўку, будзе новым беларускім міністрам па тэхнічным рэгуляванні ЕЭК.
Працэдура прызначэння, як паведаміла Пяткевіч, праходзіць праз некалькі ступеняў і была запушчана падчас сённяшняга пасяджэння, на якім прапанову Беларусі падтрымалі.
Аляксандр Субоцін ужо займаў пасаду міністра па прамысловасці і АПК у ЕЭК з верасня 2018‑га па студзень 2020 года. У сакавіку 2020‑га ён быў прызначаны памочнікам Лукашэнкі па Магілёўскай вобласці, у ліпені таго ж самага года стаў віцэ-прэм'ерам, а з 13 снежня 2021‑га па 15 снежня 2025‑га кіраваў Віцебскай вобласцю. Цяпер жа, прайшоўшы гэты круг кар'ернага росту, ён вярнуўся дакладна ў той жа самы пункт, у якім быў шэсць гадоў таму.
На пасадзе старшыні Віцебскага аблвыканкама Субоціна змяніў ранейшы пасол Беларусі ў Расіі Аляксандр Рагожнік.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім7
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары