Карл III кладзецца ў бальніцу лячыць прастату, ягонай нявестцы таксама нездаровіцца
На наступным тыдні кароль Вялікабрытаніі Карл III будзе змешчаны ў бальніцу для лячэння павялічанай прастаты. У Букінгемскім палацы заявілі, што гаворка ідзе пра дабраякаснае новаўтварэнне, якое паддаецца лячэнню, паведамляе Бі-бі-сі.
Публічныя выступы 75-гадовага караля адклалі на некаторы час, пакуль ён будзе аднаўляцца пасля лячэння, паведамілі ў палацы.
«Як і тысячы мужчын кожны год, кароль звярнуўся да лекараў для лячэння павялічанай прастаты», — гаворыцца ў заяве палаца.
Паводле даных Нацыянальнай службы аховы здароўя Вялікабрытаніі, дабраякаснае павелічэнне прастаты часта сустракаецца ў мужчын ва ўзросце 50+. Звычайна гэта не сур'ёзнае захворванне.
А вось сітуацыя з іншым членам брытанскага каралеўскага дома, 42-гадовай прынцэсай Уэльскай Кэтрын, здаецца, больш сур'ёзная. Яна перанесла аперацыю на брушной поласці. Прынцэсе правялі планавую аперацыю ў прыватнай клініцы ў Лондане, паведаміў Кенсінгтонскі палац. Аперацыя прайшла паспяхова, і Кэтрын застанецца ў бальніцы пад наглядам медыкаў ад 10 да 14 дзён. Адзначаецца, што ў прынцэсы не рак, але больш дэталяў не паведамілі.
Як з працягласці запланаванага знаходжання Кэтрын у бальніцы, так і з тоны заявы палаца становіцца ясна, што хвароба ў яе даволі сур'ёзная. Аднаўленне пасля хваробы можа доўжыцца да трох месяцаў.
У снежні ў прынцэсы было даволі загружаны расклад, і ніякіх прыкмет таго, што яна дрэнна сябе адчувала падчас публічных выступаў, не было.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі19
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары
Усім здароўя