Прэзідэнт Украіны Віктар Юшчанка назваў прэм'ера Юлію Цімашэнка і лідэра Партыі рэгіёнаў Віктара Януковіча пракрамлёўскімі кандыдатамі ў прэзідэнты.
Такую заяву ён зрабіў 3 студзеня падчас цырымоніі асвячэння каталіцкага храма Святога Архістратыга Міхаіла ў Львоўскай вобласці.
«Маскоўскі праект не павінен перамагчы 17 студзеня, таму што Цімашэнка і Януковіч – гэта лепшыя прадстаўнікі адзінай крамлёўскай кааліцыі» – сказаў прэзідэнт Украіны.
Юшчанка нагадаў аб тым, што Януковіч і Цімашэнка год назад ужо спрабавалі стварыць кааліцыю шляхам канстытуцыйнага перавароту. На думку прэзідэнта Украіны, ні Цімашэнка, ні Януковіч не будуць трымацца ідэі суверэннай, незалежнай дзяржавы.
«Іх мара, гэта тое, дзе ты персанальна будзеш заўтра – ва ўладзе ці не ва ўладзе. Уласна для гэтага фабрыкуюць тыя газавыя дамовы, якія вядуць Украіну да энергетычнай і эканамічнай капітуляцыі. Адсюль пачынаецца вечная дыслакацыя Чарнаморскага флоту. Адсюль пачынаецца адмова ад нашай інтэграцыі ў НАТА. Адсюль пачынаецца здача нафтаправода Адэса-Броды» – падкрэсліў Юшчанка.
Пры гэтым В.Юшчанка адзначыў, што яго палітыка заключаецца ў супрацьлеглым. Ён прапаноўвае краіне вярнуцца дадому – у Еўропу. «Выбар у вашых руках. Я б вельмі хацеў, каб украінскі здаровы сэнс перамог. Нам няма чаго шукаць ва ўчорашнім балотным дне».
Нагадаем, што выбары прэзідэнта Украіны запланаваныя на 17 студзеня.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары