«Яе вочы немагчыма забыць» — суседка жанчыны, што задушыла ў Оршы чатырох сваіх дзяцей
Пра падрабязнасці трагедыі ў Оршы расказалі таксама ў эфіры «Беларусь-1».
Многія суседзі дагэтуль не вераць у тое, што адбываецца, яшчэ нядаўна ў двары чулі галасы гэтых дзяцей. Асноўная версія — не хацела аддаваць дзяцей у сацапеку. Па некаторых даных, пасля забойства спрабавала пакончыць з сабой.
«Апошні год, неяк мне падалося, яна змянілася. То-бок змянілася яе псіхіка, бо яе сужыцеля, бацьку апошніх траіх дзяцей, забралі ў ЛПП. Ён увесь час піў, спаў на дыванку, гэта значыць выклікалі ў міліцыю. Але тое, што адбылося ўчора, гэта ні маёй псіхіцы, ні чыёй псіхіцы не паддаецца. Гэта было страшна. Але яе вочы ўчарашнія немагчыма забыць», — расказала суседка.
«Я думала, дзеці бегаюць, дурэюць, тут муж кажа: «Ідзі выйдзі, там хтосьці вельмі гучна плача». Я выходжу — жанчына там плакала. Мы спусціліся, стаяла вось гэтая вось мама дзяцей, наогул ніякая, проста стаяла і глядзела ў адну кропку, ніяк не рэагавала», — апісала сітуацыю іншая суседка.
Суседзі таксама зазначылі, што раней жанчына негатыўнага ўражання не рабіла.
Жанчына не піла, кажуць усе ў адзін голас. Па некаторых даных, мела непераноснасць алкаголю. У момант трагедыі дома была яна і чацвёра з шасцярых дзяцей. Старэйшыя яшчэ не вярнуліся са школы. Цяпер з імі працуюць псіхолагі.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні10
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары