У Гродне мужчына спрабаваў вылезці з акна шматпавярховіка па звязаных прасцінах. Гэта не было добрай ідэяй
16 лютага ў Гродзенскую бальніцу прывезлі мужчыну, які ўпаў з акна шматпавярхоўкі. Так скончылася ягоная спроба спусціцца з чацвёртага паверха на звязаных прасцінах, паведамляюць мясцовыя сілавікі.
Здымак ілюстрацыйны
Напярэдадні гэты чалавек быў удзельнікам застолля ў сяброў. Потым яны некуды пайшлі, а яго чамусьці замкнулі. Як пасля расказаў пацярпелы, ён з часам успомніў, што «трэба тэрмінова па справах». Шукаючы магчымасці выйсці з кватэры, ён звязаў прасціны і паспрабаваць па іх спусціцца.
Ці то сама ідэя, ці то спроба яе рэалізацыі не былі надта добрымі — скончылася тым, што мужчына сарваўся ўніз. Прызямліўся ён на «пятую кропку», таму рукі і ногі засталіся цэлыя, але ў цэлым чалавек пацярпеў. Цяпер ён у бальніцы.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары