Грамадства1818

«Саўкі, ватнікі, гопнікі, чырвоныя чалавечкі…» Школьнікам прапануюць падумаць над гэтымі характарыстыкамі савецкага народа

У беларускіх школах ёсць традыцыя праводзіць ідэалагічную Рэспубліканскую гадзіну памяці. У яе рамках вучням 11-х класаў прапануецца напісаць пісьмовы ўрок «Каханне і подзвіг», прысвечаны савецкім героям Другой сусветнай вайны Зінаідзе Тусналобавай і Іосіфу Марчанку. У ранейшыя, больш спакойныя часы пытанні спецыяльнай анкеты, на якія павінны былі адказаць вучні, тычыліся перадусім рамантычных адносін гэтых двух людзей. Цяпер жа да іх таксама дадалі моцна ідэалагізаваныя пытанні агульнага характару.

У сёлетняй анкеце найбольш звяртае на сябе ўвагу пытанне № 16, у якім школьнікам прапануюць нават не выказаць сваё ўласнае стаўленне да савецкага перыяду гісторыі Беларусі, а даць адлуп яго «ачарніцелям». Сама фармулёўка пытання надта шматслоўная і вельмі празрыста намякае, якім мусіць быць адказ: 

«Ёсць сродкі масавай інфармацыі, ёсць публіцыстычныя артыкулы, літаратурныя творы і кінафільмы, у якіх наўмысна ганьбуюць, лаюць, апашляюць савецкіх людзей, асабліва асоб выдатных, герояў. Саўкі, ватнікі, гопнікі, чырвоныя чалавечкі, няшчасныя, непаўнавартыя — так называюць яны людзей таго часу, у якім жылі нашы дзяды і прадзеды. Аднак, вобразы і жыццё Зінаіды Тусналобавай і Іосіфа Марчанкі і мноства іншых вядомых людзей савецкага часу, справы і здзяйсненні ўсяго народа сведчаць пра тое, што савецкія людзі былі іншыя. Паразважайце пра прычыны негатыўна-варожага стаўлення да савецкіх людзей і да грамадства, у якім яны жылі».

Палачанка Зінаіда Тусналобава-Марчанка (1920-1980) вядомая тым, што падчас вайны, служачы на фронце медсястрой, была цяжка параненая ў баі і, доўга праляжаўшы на марозе, адмарозіла рукі і ногі, якія давялося ампутаваць. Нягледзячы на гэта, яна пасля вайны не толькі ўдзельнічала ў грамадскім жыцці, але таксама знайшла сваё каханне і нарадзіла дзяцей. 

Рэспубліканскую гадзіну памяці з пісьмовым урокам «Каханне і подзвіг» арганізуе Беларускае таварыства памяці ваяроў і ахвяр Вялікай Айчыннай вайны.

Працу вучням прапануецца выканаць «у форме эсэ ці простага выкладання сваіх меркаванняў, у чым Вам дапамогуць пытанні гэтага задання». 

Чытайце таксама:

Лукашэнка пра падручнік Колі па філасофіі: Які кашмар, што яны напісалі — гэта жах

Лукашэнка паставіў задачу — страсянуць ВНУ

«Не так важная колькасць, як якасць». Прапагандыста трывожыць, што сагнаны на сустрэчы народ не задае пытанняў

Гомельскія ідэолагі выпадкова апублікавалі службовую інструкцыю і прачынілі фортку ў мясцовую прапагандысцкую кухню

Каментары18

  • Паляшук-Настаўнік
    17.02.2024
    Асацыятыўны радок: саўкі, ватнікі, гопнікі, чырвоныя чалавечкі, няшчасныя, непаўнавартыя. І ўсё гэта - лукашысты-ябацькі
  • Ад змены колеру канцлагер не знікае
    17.02.2024
    Праблема пастаўковых ідэёлагаў у тым, што яны аб'ектыўна ня здольныя даказаць, што перамога над нацызмам стала вызваленнем для народаў былога СССР і ўсходняй Еўропы, як бы яны не спрабавалі эксплуатаваць памяць загінулых у другой сусветнай вайне на карысць сучасных дзядоў-дыктатараў. Таму што гэта была змена колеру канцлагера між чырвоным і карычневым. Адрозненне нацыстаў ад саветаў было толькі ў тым, што нацысты знішчылі больш чужых грамадзян, чым сваіх, а саветы - наадварот.
  • Савок і вата - прыкметы адсутнасці мозга
    17.02.2024
    Саўкамі і ватнікамі клічуць тых, хто дагэтуль лічыць савок вялікім, а "савецкі народ" - самым шчаслівым, хай камуністы і знішчылі некалькі мільёнаў "савецкіх грамадзян", а пасля сканчэння масавых рэпрэсій "савецкія людзі" стаялі ў доўгіх чэргах, каб купіць штосці для свайго дабрабыту. Стаялі нават за туалетнай паперай, замест якой з эканоміі вельмі часта ўжываліся нарваныя на кавалкі савецкія газеты з артыкуламі аб тым, што савецкія людзі жывуць лепей за ўсіх астатніх. Ну а із сродкаў жаночай гігіены савецкія жанчыны ведалі толькі вату.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»45

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць