Сёння стартуе датэрміновае галасаванне — адзін з элементаў фальсіфікацый
Галоўная «інтрыга»: колькі напішуць працэнтаў.
Сёння ў Беларусі стартуе датэрміновае галасаванне на выбарах у Палату прадстаўнікоў і мясцовыя саветы дэпутатаў. Адзіны дзень галасавання традыцыйна пройдзе ў нядзелю (сёлета гэта 25 лютага).
Участкі будуць адкрытыя з аўторка па суботу з 12:00 да 19:00.
Датэрміновае галасаванне ёсць у іншых краінах. Так, у другім туры на прэзідэнцкіх выбарах у Фінляндыі яно склала 46 працэнтаў. Але ў Беларусі датэрміновае галасаванне — гэта магчымасць фальсіфікацый.
На парламенцкіх выбарах у 2019 года Цэнтрвыбаркам заявіў, што датэрмінова прагаласавалі 35,77 працэнтаў выбаршчыкаў. Агульная яўка «склала» 74,68 працэнта.
Тады ў лістападзе 2019 года ў парламент не здолеў прасачыцца ніводны апазіцыйны кандыдат.
На выбарах-2015 такіх было два: Алена Анісім і Ганна Канапацкая на 110 дэпутатаў.
Каментары