Пра тое, што ў беларускіх школах хочуць увесці адзіную форму для вучняў, гаворка вядзецца даўно. Але ёсць пэўныя праявы таго, што прынамсі ў некаторых рэгіёнах краіны задумваюцца пра адзіны дрэс-код не толькі для вучняў, але і для педагогаў, заўважыў «Матолька Памажы».
Ва ўпраўленні па адукацыі Мінскага райвыканкама паведамілі, што шэраг школ Міншчыны ўжо ўвёў адзіны стыль адзення для настаўнікаў. Публікацыя пра гэта мае назву «Мінскі раён — за дрэс-код педагогаў!» і ў ё прадэманстраваны адзіны стыль убрання школьных настаўнікаў у Заслаўі, Калодзішчах, Сеніцы і ў вёсцы Рагава.
У публікацыі гаворыцца, што школы, маўляў, самастойна вызначылі патрабаванні да знешняга выгляду работнікаў, але тое, што гэта набыло масавы характар і супала ў часе, дае падставу меркаваць, што гаворка ідзе пра цэнтралізаваную ініцыятыву, якую кіраўніцтва школ толькі праводзіць у жыццё.
Эксперты маніторынгавай групы па адукацыі @iSANS_Belarus лічаць, што ўвядзенне паўнавартаснага адзінага стылю ў вопратцы педагогаў — цалкам верагоднае, асабліва калі ўлічваць бягучыя тэндэнцыі, скіраваныя на ўсеагульную ўніфікацыю.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары