«АДКБ не рухне». Лукашэнка пракаментаваў выхад Арменіі з гэтай арганізацыі
На гэтым тыдні стала вядома, што Ерэван замарозіў удзел у АДКБ, пра што паведаміў прэмʼер-міністр краіны Нікол Пашынян. Прычынай называлася невыкананне дамовы ў дачыненні да Арменіі. Аляксандр Лукашэнка сёння пракаментаваў гэта.
«Мы на гэта рэагуем абсалютна спакойна, мы абмяркоўвалі з прэзідэнтамі і ў Казані гэтую праблему ўскосна. Абсалютна спакойна, ніхто не страціў розум. Трэба Арменіі быць у АДКБ — мы нікога не выганялі, заўсёды падтрымлівалі і падтрымліваем Арменію, і будзем падтрымліваць як свайго саюзніка. Не захочуць яны быць у АДКБ — АДКБ не рухне, не разбурыцца», — заявіў Лукашэнка.
Паводле яго слоў, краіны-ўдзельніцы арганізацыі не атрымлівалі ніякіх афіцыйных заяваў аб тым, што Ерэван выходзіць з АДКБ.
«І ведаеце, у Арменіі сістэма ўлады не як у Беларусі: там Пашынян не можа прыняць рашэнне — уваходзіць ці не выходзіць [з АДКБ] — там парламент прымае рашэнне. Думаю, разважных людзей у парламенце Арменіі большасць», — сказаў Лукашэнка.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?8
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары
Смешна што лука загаварыу пра парламент якi вырашае, а не зьяуяецца дэкарацыяй назначэнчау на Бедарусi