«Карта паляка зараз з’яўляецца пагрозай для кожнага грамадзяніна Беларусі» — віцэ-міністр замежных спраў Польшчы
На пасяджэнні Камісіі па замежных справах польскага Сейма абмеркавалі сітуацыю ў Беларусі і дзеянні па вызваленні беларускіх палітвязняў. На ім сярод іншых выступіў намеснік кіраўніка польскага МЗС Уладзіслаў Тэафіл Барташэўскі, паведамляе Польскае радыё.
Намеснік кіраўніка МЗС нагадаў, што ў 2020 годзе прэзідэнцкія выбары ў Беларусі былі сфальсіфікаваныя, а ў выніку рэпрэсіяў беларускага рэжыму пасля гэтых выбараў цяпер у беларускіх турмах знаходзіцца больш за паўтары тысячы чалавек, прызнаных міжнароднай супольнасцю палітычнымі зняволенымі.
«Усе дзеянні папярэдняга польскага ўрада і Сейма папярэдняга склікання, а таксама МЗС не прынеслі канкрэтных вынікаў. На жаль, я не магу сказаць, што нашыя дзеянні істотна палепшылі згаданую сітуацыю. Колькасць палітвязняў у Беларусі вырасла, узмацняюцца рэпрэсіі», — сказаў Барташэўскі.
Ён адзначыў, што, напрыклад, Карта паляка цяпер з’яўляецца пагрозай для кожнага грамадзяніна Беларусі.
«У Беларусі цяпер няма шанцаў апраўдаць чаканні беларускіх грамадзян і тых беларусаў, якія выехалі ў прымусовую эміграцыю і часткова пасяліліся ў Польшчы», — падкрэсліў намеснік кіраўніка МЗС.
Барташэўскі дадаў, што парламенцкія выбары, якія прайшлі ў Беларусі 25 лютага, не маюць нічога агульнага з сапраўднай дэмакратыяй. А заява Аляксандра Лукашэнкі аб удзеле ў наступных прэзідэнцкіх выбарах у 2025 годзе паказвае, што палітычны крызіс у Беларусі будзе працягвацца і канца яму не відаць.
«Беларусь сёння моцна звязаная сваёй дзейнасцю, у тым ліку антыўкраінскай, з пуцінскай Расіяй. Таму мы імкнемся да таго, каб усе санкцыі, якія выкарыстоўваюцца супраць Расійскай Федэрацыі, былі распаўсюджаныя іншымі краінамі таксама на Беларусь», — падкрэсліў Уладзіслаў Тэафіл Барташэўскі.
Чытайце таксама:
На мяжы з Польшчай зноў пачалі збірацца вялікія чэргі з аўтобусаў
«Еўропа выгнала шпіёнаў Уладзіміра Пуціна. Цяпер яны вяртаюцца» — The Financial Times
Польшча ініцыюе забарону на ўвоз у Еўрасаюз сельскагаспадарчай прадукцыі з Расіі і Беларусі
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары