У Мінску жанчына кінулася літаральна пад колы аўтамабіля, даганяючы аўтобус. Пашанцавала
Здарэнне ледзь не адбылося 6 сакавіка на вуліцы Лабанка.
Падобна, што жанчына аказалася перад выбарам: патрэбны аўтобус вось-вось з'едзе, а на святлафоры гарыць чырвонае святло. Пешаход адважылася і пабегла на прыпынак даганяць свой «гармонік». Не гледзячы па баках, яна выскачыла проста пад колы аўтамабіля, піша Onliner.by.
— Еду па Лабанка ў напрамку Шаранговіча, мне гарыць стрэлка направа, пешаходам — чырвоны. Але дама вырашыла, што яна вельмі спазняецца на аўтобус, — падзяліўся сваім абурэннем аўтар відэа.
Зразумець кіроўцу можна — стрэс. Але ён малайчына: яго рэакцыя дазволіла жанчыне дабегчы туды, куды яна так спяшалася.
Цяпер чытаюць
Шакуючая страта года, таямнічыя знікненні, дыкпікі і дэпартацыі — асноўныя людзі і падзеі 2025 года3
Каментары