Чаму не стала Кальцова? Вось якія версіі абмяркоўваюць у хакейнай суполцы
У ноч з 18 на 19 сакавіка стала вядома, што ва ўзросце 42 гадоў з жыцця пайшоў Канстанцін Кальцоў — былы гулец НХЛ і зборнай Беларусі, патэнцыйны трэнер мінскага «Дынама», бойфрэнд Арыны Сабаленкі. Вядома, што жыццё мужчыны абарвалася ў ЗША, але пакуль няма ніякай афіцыйнай версіі наконт таго, з якой прычыны гэта адбылося. «Трыбуна» расказвае, якія варыянты абмяркоўвае хакейная супольнасць (на сёння гэта ўсё выключна чуткі).
Адарваўся тромб
Такую версію распаўсюджвае сайт smartpress.by са спасылкай на неназванага супрацоўніка прэс-службы «Салавата Юлаева» — уфімскага клуба КХЛ, дзе апошнія пару сезонаў працаваў Кальцоў.
Гэтая інфармацыя не выклікае вялікага даверу. Былы гулец НХЛ пайшоў з жыцця ў ЗША. Нават мясцовыя медыя пакуль не паведамляюць акалічнасцяў сітуацыі. Як пра іх даведаліся ў «Салаваце»? Чаму не згадалі ў афіцыйнай заяве, якую выпусціў клуб? Тым не менш, некаторыя англамоўныя крыніцы ўжо тыражуюць гэтую версію.
Нешта з машынай
Былы трэнер зборнай Беларусі Уладзімір Крыкуноў са спасылкай на свайго сына, які калісьці таксама гуляў у хакей, сказаў, што смерць Кальцова нейкім чынам звязаная з машынай. Праўда, спецыяліст выказаўся не вельмі ўпэўнена і звярнуў увагу на тое, што афіцыйнай версіі пакуль няма.
Выпаў у акно
Такі канец Кальцова ў хакейным свеце абмяркоўваюць найболей. Нібыта спецыяліст з нейкай прычыны выпаў у акно шматпавярховага будынка і загінуў. Ці то проста трагічны інцыдэнт, ці то нешта іншае — гэта вобласць дагадак, куды ніхто не наважваецца заходзіць.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары