Сілавікі затрымалі брата Дзяніса Урбановіча Максіма два дні таму, паведамляюць крыніцы «Белсата». Па іх інфармацыі, незадоўга да затрымання супрацоўнікі ГУБАЗіК прайшліся па сваяках Дзяніса Урбановіча.
Пакуль Максім Урбановіч знаходзіцца ў следчым ізалятары. Хутчэй за ўсё супраць яго заведзена крымінальная справа па трох артыкулах, але па якіх канкрэтна, пакуль невядома. Сваякі не даюць ніякіх каментароў наконт гэтай сітуацыі.
Як паведамлялася, у сакавіку 2023 года да бацькі Дзяніса Урбановіча, які жыве ў Беларусі, прыходзілі сілавікі і прымусілі яго запісаць відэа, на якім мужчына звяртаецца да сына з просьбаю, каб той капітуляваў і вяртаўся на радзіму: «Адсядзіш дзясятку якую, ну і чорт з ім, затое будзеш жыць на радзіме». У тэлеграм-канале сілавікоў сцвярджалі, што на Дзяніса завялі крымінальную справу за сяброўства ў «Маладым фронце», які ўлады Беларусі прызналі экстрэмісцкім фармаваннем.
Дзянісу Урбановічу 34 гады. Ён быў чацвёртым старшынёй «Маладога фронту». Падчас прэзідэнцкіх выбараў 2015-га зняў дзяржаўны сцяг з будынку выбарчага ўчастку ў вёсцы Кораньшчына. Да 29 жніўня 2017 года адбываў пакаранне на «хіміі». У 2018-м браў удзел у абароне Курапатаў. У 2022-м пасля ўварвання Расіі ва Украіну паехаў на фронт, ваюе ў батальёне «Волат» з пазыўным Ваўкалак. Нягледзячы на чатыры раненні і тры кантузіі, працягвае ваяваць на перадавой у зоне баявых дзеянняў.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ45
Каментары
Сніцца ім начамі, як Ваўкалак-Урбановіч з аўтаматам адчыняе дзверы іх спальні...