Нібыта адна з вайсковых частак ужо гатова заключыць кантракт з былым «міністрам абароны» ДНР.
Абарона былога «міністра абароны» ДНР Ігара Стралкова (Гіркіна), які атрымаў чатыры гады калоніі паводле справы аб экстрэмізме (ч.2 арт. 280 КК), папросіць накіраваць яго на вайсковую службу ў адну з вайсковых частак у зоне «спецыяльнай вайсковай аперацыі» (так у Расіі называюць агрэсію супраць Украіны), паведаміў РБК ягоны адвакат Аляксандр Молахаў.
Адвакаты ў канцы студзеня абскардзілі прысуд Стралкову. Як паведаміў Молахаў, судовае пасяджэнне па крымінальнай справе пройдзе ў першым апеляцыйным судзе агульнай юрысдыкцыі ў Маскве 15 мая.
Да апеляцыйнай скаргі Молахава прыкладзены дакумент, які пацвярджае згоду адной з вайсковых частак на тэрыторыі ДНР на заключэнне кантракту з Гіркіным.
«Абарона лічыць, што, нягледзячы на прыняцце Дзярждумай нядаўна закона, які забараняе адпраўку на фронт асуджаных па экстрэмісцкіх артыкулах, прававая магчымасць для заключэння ваеннага кантракту са Стралковым існуе», — паведаміў Малохаў.
Яна наступіць, калі суд апеляцыйнай інстанцыі адменіць прысуд, альбо калі прэзідэнт Расіі вырашыць памілаваць асуджанага і зняць з яго судзімасць, на што мае права ў адпаведнасці з Канстытуцыяй.
Жонка Гіркіна-Стралкова: Вельмі перажываю за мужа
Стралкоў-Гіркін можа з калоніі адправіцца на фронт
Вынеслі прысуд Ігару Гіркіну-Стралкову. У Расіі яго назвалі суровым
«У выпадку Стралкова-Гіркіна, якому прысудзілі 4 гады калоніі, ёсць толькі адна сурʼёзная праблема»
Ініцыятыўная група вылучыла Стралкова на выбары расійскага прэзідэнта, але не змагла знайсці натарыуса
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары