СК завёў крымінальную справу за «прапаганду вайны» на чыноўнікаў Польшчы, Літвы і Латвіі
СК абвінавачвае краіны-суседкі ў жорсткаіх адносінах да мігрантаў.
Следчы камітэт Беларусі паведаміў, што працягвае расследаваць крымінальныя справы ў дачыненні да службовых асоб Польшчы, Літвы і Латвіі.
СК абвінавачвае краіны-суседкі ў жорсткім стаўленні да мігрантаў. У ведамстве заяўляюць, што па крымінальнай справе ў дачыненні да польскіх чыноўнікаў пацярпелымі з'яўляюцца 166 замежнікаў, у дачыненні да Латвіі — 38 замежнікаў. Усе яны спрабавалі патрапіць на тэрыторыю краін ЕС з тэрыторыі Беларусі.
Сярод людзей, якіх СК запісаў у пацярпелыя, грамадзяне Ірака, Ірана, Афганістана, Індыі, Сірыі і дзяржаў афрыканскага кантынента.
Паведамляецца, што СК расследуе тры крымінальныя справы. Чыноўнікаў Польшчы, Літвы і Латвіі абвінавачваюць у «прапагандзе вайны», «злачынствах супраць бяспекі чалавецтва», «наўмысным прычыненні цяжкай шкоды здароўю», «пакіданні ў небяспецы» і «забойстве».
Імёны чыноўнікаў, якія фігуруюць у спісе СК, не называюцца.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары