Расійскае МУС пасля розгаласу перастала шукаць Зяленскага і Парашэнку
Дзейнага прэзідэнта Украіны Уладзіміра Зяленскага і былога Пятра Парашэнкі больш няма ў сэрвісе вышуку на сайце МУС Расіі, звярнула ўвагу «Медиазона».
Карткі вышуку ўкраінскіх палітыкаў зніклі з сэрвісу неўзабаве пасля таго, як 4 траўня іх выпадкова знайшлі супрацоўнікі Дзяржаўнага агенцтва «РИА Новости». Цяпер па анкетных даных і Зяленскага, і Парашэнкі сайт выдае нуль вынікаў.
Выявілася, што абодвух прэзідэнтаў Украіны дадала ў вышук дзяжурная частка МУС Расіі ў акупаванай Данецкай вобласці — яе нумар быў пазначаны ў кантактнай інфармацыі. Адбылося гэта не пазней за 22 лютага, але карткі вышуку заўважылі толькі ў пачатку мая.
Пасля таго як карткі выявілі, 6 мая расійскае МУС выступіла з нехарактэрным для ведамства каментаром, што яно, маўляў, было толькі «тэхнічным выканаўцам» пры аб'яўленні ў вышук: «У гэтым выпадку рашэнне аб аб'яўленні ў вышук і аб яго спыненні прымаецца СК Расіі і яго тэрытарыяльнымі падраздзяленнямі».
Неўзабаве пасля гэтага карткі прыбралі з сайта МУС.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5555
Каментары