Суд апынуўся ў цэнтры ўвагі грамадскасці, асабліва пасля таго як на ім паказалі шакуючыя відэа.
Экс-міністра нацыянальнай эканомікі Казахстана Куандыка Бішымбаева прысудзілі да 24 гадоў пазбаўлення волі за забойства сваёй жонкі Салтанат Нукенавай.
Як паведамлялася, у Казахстане праходзілі судовыя слуханні па справе аб забойстве былым міністрам нацыянальнай эканомікі краіны Куандыкам Бішымбаевым сваёй грамадзянскай жонкі Салтанат Нукенавай.
Па версіі следства, Бішымбаеў збіваў жанчыну на працягу 8 гадзін. Цяпер у судзе былі прадэманстраваны 12 відэа, якія знайшлі ў тэлефоне абвінавачанага.
З-за жорсткасці запісаных сцэнаў відэа глядзелі толькі непасрэдныя ўдзельнікі пасяджэння. Па іх словах, на кадрах відаць, што на Султанат з адзення толькі чорны плашч. Яна ўся ў крыві.
На відэа мужчына спрабуе высветліць у сваёй жонкі, ці здраджвала яна яму, а таксама патрабуе прызнання ў тым, што яна ўступала ў сэксуальныя адносіны да таго, як пачала сустракацца з ім. Ён падазрае, што ў Султанат быў інтым з яе сябрам Раімбекам.
На адным з відэа жанчына поўзае па падлозе, просіцца ў прыбіральню, а Бішымбаеў зневажае яе: «Ніякі, на**й, туалет, шукай, бл***, шваль, бл***! Ты спала з ім? Што, с***, ты мне пі***ш? Ты была яго каханкай?!»
Як паведамляецца, падчас прагляду відэа брат Султанат не змог стрымаць слёз, а сястры давялося выклікаць хуткую.
Сам Бішымбаеў заявіў, што гэтыя кадры — «мантаж», а яго тэлефон «узламалі». Пазней, праўда, прызнаўся, што хацеў «зняважыць жонку» ў адказ на тое, што яна выкінула яго падарункі. Па словах злачынцы, у яго «не засталося псіхічных сілаў, каб трымаць сябе ў руках».
На пытанне старшыні суда, навошта мужчына здымаў гэтыя відэа, экс-міністр адказаў, што гэта было «жаданне знявагай адказаць на знявагу». Пазней чарговы раз заявіў, што не згодны з абвінавачваннем у забойстве з асаблівай жорсткасцю, але пагадзіўся, што датычны да смерці жонкі.
Экс-міністру пагражала пажыццёвае зняволенне.
Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х22
Каментары
Этот насильника всегда помилует.
А вообще за такоеv- только смертная казнь была бы справедливой!