УЕФА пакарала 13 еўрапейскіх футбольных каманд, сярод якіх і «Шахцёр» з Салігорска. Інстанцыя па фінансавым кантролі клубаў ўжыла да іх санкцыі ў сувязі са з'яўленнем пратэрмінаванай запазычанасці перад іншымі клубамі, супрацоўнікамі і/або сацыяльнымі альбо падатковымі органамі, а таксама падачу недакладнай інфармацыі пра такую запазычанасць.
«Шахцёр» і турэцкі клуб «Адана Дэмірспор» адхіленыя ад еўракубкаў на найбліжэйшы сезон, у які яны туды трапяць (санкцыя распаўсюджваецца на сезоны з 2025/26 па 2027/28). Акрамя таго, «Шахцёр» аштрафаваны на 1 010 000 еўра. Гэта было пацвярджэнне вердыкту, які перад гэтым вынесла першая інстанцыя і на які абодва клубы падалі апеляцыйныя звароты.
Астатнія клубы, сярод якіх і дастаткова моцныя ды вядомыя, атрымалі крыху мякчэйшыя пакаранні. Так, партугальскія «Порту» і «Вікторыя» з Гімараэша, а таксама балгарскі ЦСКА з «Сафіі» атрымалі толькі ўмоўнае выключэнне з еўракубкаў, ім дадзеныя выпрабавальныя тэрміны, цягам якіх яны мусяць пакрыць свае запазычанасці.
Акрамя «Шахцёра», яшчэ 11 клубаў аштрафаваныя на сумы ад 1,5 млн да 10 тысяч еўра. Сярод гэтых клубаў, апрача згаданых «Порту», «Віторыі» і ЦСКА — грузінскае «Дынама» з Тбілісі, партугальская «Брага», сербскі «Партызан» з Белграда, турэцкі «Галатасарай», іспанскі «Рэал Бетыс», казахстанскі «Ардабасы» з Шымкента, латвійскія «Рыга» і «Ауда».
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары