Маладую маці вінавацяць у забойстве двухгадовай дачкі. Жанчына патлумачыла гэта помстай сваякам мужа
Пракуратура Гомельскай вобласці накіравала ў суд крымінальную справу па абвінавачанні ў забойстве малалетняга дзіцяці з асаблівай жорсткасцю.
Паводле матэрыялаў справы, абвінавачаная 13 снежня 2023 года нанесла сваёй двухгадовай дачцэ два ўдары рукамі па галаве і твары. Далей, нягледзячы на спробы дзяўчынкі вырвацца, маці задушыла яе падушкай.
Затым абвінавачаная паспрабавала зрабіць суіцыд.
На стадыі папярэдняга расследавання яна патлумачыла свае дзеянні помстай мужу і яго сваякам, якія пастаянна выказвалі ёй прэтэнзіі наконт догляду дзіцяці.
Жанчыну будуць судзіць па п.п.2, 6 ч.2 арт.139 Крымінальнага кодэкса (забойства малалетняга, які знаходзіцца ў бездапаможным стане, з асаблівай жорсткасцю). Справу перадалі ў суд.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары