Кіраўнік Мінлясгаса загадаў, каб ляснічым плацілі 3 тысячы рублёў чыстымі
Іначай тэхніка пойдзе па руках.
Кіраўнік Мінлясгаса Аляксандр Кулік, наведваючы Калінкавіцкі лясгас, распарадзіўся падняць заробак супрацоўнікам.
На думку міністра, калі лясгасы не будуць дастойна плаціць рабочым, асабліва аператарам лесанарыхтоўчай тэхнікі, то апошняя проста «пойдзе па руках», паведамляе ведамства.
«Заробак у ляснічага павінен быць «чыстымі» тры тысячы рублёў! Вы ўдумайцеся: гэта кіраўнік, які арганізоўвае працу 30 чалавек і на якім ляжыць вялікая адказнасць!» — выказаўся Кулік.
Чыноўнік адзначыў, што сярэдні заробак ляснічых цяпер далёкі ад гэтых лічбаў. Кулік паставіў задачу перагледзець гэты паказчык.
Па дадзеных на сакавік 2024 года, сярэдняя зарплата па краіне ў работнікаў сельскай, лясной і рыбнай гаспадарак складала 1701 рубель да выплаты падаткаў і збораў.
Каментары