Турцыя пашырыць «зялёны спіс» тавараў для імпарту ў Беларусь і Расію
У найбліжэйшы час банкі Турцыі пашыраць «зялёны спіс» тавараў, па якіх турэцкія банкі будуць бесперашкодна прымаць плацяжы з Беларусі і Расіі. Пра гэта пішуць «Известия».
Вусныя дамоўленасці з турэцкімі банкамі дасягнутыя, транзакцыі па пашыраным спісе пойдуць у найбліжэйшы час.
«Зялёны спіс» збіраюцца пашырыць на тавары народнага спажывання і электронікі. Акрамя таго, чакаецца, што знікнуць праблемы з аплатай аўтамабіляў і некаторай прадукцыі машынабудавання.
Разлікі з Турцыяй ускладніліся ў канцы 2023 года з-за рызыкі другасных санкцый ЗША для турэцкіх банкаў. З тых часоў бесперашкодна ідуць плацяжы толькі па «зялёным спісе тавараў», у які ўключаныя сельгаспрадукцыя, медыцынскія і фармацэўтычныя тавары, тэкстыль, плацяжы па турызме, адукацыйных і медыцынскіх паслугах.
Каментары