У жылым комплексе «Мінск-Свет» на праспекце Міру, 2, адкрылася першая крама «Еўраопт» без традыцыйных кас. Цяпер усе пакупкі тут аплачваюцца праз касы самаабслугоўвання — банкаўскай картай, смартфонам, разумнымі гадзіннікамі або нават наяўнымі (асаблівы алгарытм), піша «Анлайнер».
Крама размешчаная ў гмаху «Сіднэй» каля скрыжавання з вуліцай Аэрадромнай. У ёй няма традыцыйных кас, што дазволіла вызваліць больш месца для тавараў.
Стэлажы расстаўленыя па дыяганалі, з шырокімі праходамі. Унутры ёсць дзве доўгія вітрыны з малочнымі і мяснымі прадуктамі, прылавак са свежым хлебам, а каля вокнаў — зона з садавіной і гароднінай. Таксама тут можна знайсці бакалею, замарожаныя прадукты, напоі, гаспадарчыя тавары і корм для жывёл. Ёсць і кава-пойнт, дзе можна ўзяць капучына за 1,99 рубля.
Для аплаты ў краме ўстаноўлена пяць кас самаабслугоўвання. Разлічыцца можна банкаўскай картай, смартфонам або разумным гадзіннікам. Што да наяўных, то з імі такі алгарытм: скануеш тавары, выбіраеш на экране аплату наяўнымі і атрымліваеш перадчэк. З ім можна падысці да стойкі адміністратара, які пералічыць купюры.
У прэс-службе «Еўрагандлю» адзначылі, што праграмнае забеспячэнне для гэтых кас было распрацавана ўласнымі сіламі кампаніі. Гэта дазволіла хутка ўкараніць новыя тэхналогіі.
Калі гэтая крама будзе мець поспех, то такія самыя адкрыюць і ў іншых месцах.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары